MASU

`` အလွမ်း MASU ’’

အပိုင်း ( ဂ )

အတိတ်ဆိုတာ ပြီးဆုံးခဲ့တာမှန်ပေမယ့်
ဖြတ်တောက်ပစ်လို့ မရကောင်းတဲ့အရာ။
အတိတ်ဋီကာကို ဒဿနတရပ်အနေနဲ့ မဖွဲ့ဆိုချင်တော့။
အတိတ်တွေဟာ ကျနော်တို့ ဘဝတွေထည်း
ကြီးကြီးမားမား ပါဝင်ပါတ်သက်နေပါတယ်။
MASU နဲ့ ကျနော်ရဲ့ အတိတ်ကတော့
ခန္ဓာရှိသ၍ မေ့မရ၊
တသက်မှာ တကြိမ်သာရခဲတဲ့ ဒုလ္လဘ။
ကျနော်တို့ဘဝရက်စွဲများရဲ့
` ရွှေအိုရောင် အိပ်မက် ’ များသာ။

အပိုင်း  ( ဃ )

သူငယ်ချင်းတွေစောင့်နေစေတော့။
ဆရာကန်တော့ပွဲ အခန်းအနားနေရာမသွားခင်
အမိကျောင်းတော်ကြီးထည်း အရင်ရောက်မိ။
သူနဲ့သွားနေကြနေရာလေးတွေ
ဦးအုံး
မိဂဒါဝုန် ဆိုင်တွေ၊
Botany Department နောက်၊ ကုက္ကိုပင်ကြီးအောက်၊
ရေနီမြောင်းဘောင်ပေါ်က ဘူးသီးကြော်ဆိုင်လေး၊
မြို့ထည်းရုပ်ရှင်ကြည့်၊ဈေးချိုဈေးဝယ်သွားလျှင်
အတူစီးနေကြ အမှတ် ၃ ကားဂိတ်ကလေး၊
အရင်ဆုံးသွားရမယ့်နေရာ ..
 ကျနော်တို့နေခြဲ့ကတဲ့
ရွှေပြည်အေး ...
သူငယ်ချင်းတွေနဲ့ဆိုးခဲ့ ... ရွှေပြည်အေး
လကုန် ငွေပြတ် အစားရဆိုးတဲ့ အဆောင်ထမင်း ဟင်းနဲ့
နှစ်သိမ့်ခဲ့ရ ... ရွှေပြည်အေး
ကျနော်တို့ချစ်တဲ့ Hall Tutor ဦးသန်းဆွေ(မြန်မာစာ)ရဲ့
အခန်းမှာ တညလုံး
စာပေအကြောင်းဆွေးနွေးခဲ့ကြ ... ရွှေပြည်အေး
လေးဖြူသီချင်းထဲက ... ရွှေပြည်အေး
ကျနော်တို့ရဲ့ ... ရွှေပြည်အေး
ရွှေပြည်အေး
ရွှေပြည်အေး
ရွှေပြည်အေး...

( ၁ )

အခန်း (၁၀၆ )
အပေါ်ထပ်၊ မြောက်ဘက်မျက်နှာလှည့်
ကျောင်းသား ၄ ယောက်
ညီညီလွင် .. နောက်ဆုံးနှစ် ဓာတု တောင်ကြီးမြို့
တင့်နိုင် .. တတိယနှစ် ရုက္ခ တောင်ကြီး
မျိုးမြင့်အောင် .. ဘွဲ့လွန် စိတ်ပညာ မလှိုင်မြို့
ပြီး .. ကျနော်
တယောက် အကျင့်တမျိုး။

လောကတွင်ဘုရားတဆူသာရှိပြီး၊
အယူကွဲနေခြင်းသာဖြစ်သည်။
ထို့ကြောင့် အားလုံးအတူတူဟု ယူဆကာ
ဘာသာစုံဘုရားများအားနေ့စဉ်ရှိခိုးရင်း
တနေကုန်စေသူ(သို့မဟုတ်)အများအခေါ် ဘိုးတော်
ညီညီလွင် ..
သူ့အိပ်စင်ခေါင်းရင်း၌ ချိပ်ကပ်ထားသည်က
ဗုဒ္ဓအရှင်ပုံတော်၊
လက်ဝါးကပ်တိုင်နှင့်ယေရှု၊
ကိုရမ်းကျမ်း၊
လက် ခြောက်ဖက်နှင့်လက်ခ်ျမီးပုံ။

နောက်တယောက် တင့်နိုင်။
လကုန်ခါနီးလျှင် ပိုက်ဆံအမြဲပြတ်သူ၊
ထိုအခါ အခန်းတံခါး ပိတ်ပြီး၊
ဖဲဝိုင်းထောင်ပါတော့တယ်။
အကောက်များကောက်၍ ကျောင်းစရိပ်ရှာသူ။

တနေကုန် မည်သည့်နေရာသွားနေသည်မသိ။
ညနက်မှ အမြဲပြန်လာပြီး အခန်းဖော်တွေ အိပ်မရအောင်
ဘာသံစဉ်၊ ဘာစကေးမှန်းမသိ
တအီအီ ညလုံးပေါက်တယောထိုးသူက မျိုးမြင့်အောင်။
သူတို့ဟာ တယောက်တမျိုးစရိုက်တွေရှိကြပေမယ့်
ဘုံတူညီချက်တော့ရှိပါတယ်။
အဲဒါ အတန်းလုံးဝ မတက်ကြခြင်းပါ။

အတန်းအမြဲမှန်သည်က  ကျနော်
Class မစမီ အခန်းအပေါက်မှ ခတ္တာက အမြဲစောင့်နေ၊
သူနှင့် ဦးအုန်းဆိုင်မှာ breakfast ပြီးမှ အတန်းသွား
ကျောင်းနောက်ကျသည် မရှိ
ကျောင်းနောက်မကျအောင် အမြဲကူညီသူ နှစ်ဦးရှိသေး
တောင်ကြီးသား ညွန့်တင်နှင့် ဌေးအောင်။
အတန်းထည်းမှ နှုတ်ခမ်းနီရဲရဲ၊ ပဲများများ၊
ပိန်သေးသေး ဂျပုမလေး အတွက်
အတန်းမှန်သူက  ဌေးအောင်။
တက္ကသိုလ်ရောက်လို့ ချစ်သူတဦးမျှ မထားမိလိုက်လျင်
မဟာအဓိပ္ပာယ်ကြီး မှားယွင်းသွားမည် အယူအဆဖြင့်
နောက်ဆုံးနှစ်
ရီးစားတဦးမြန်မြန်ရှာရေးစီမံကိန်း မန်နေဂျာ   ညွန့်တင်။
ထိုထိုသောသူငယ်ချင်းများ
နေ့စဉ် အတန်းမပျက် ကျောင်းတက်နေရတဲ့... ကျနော်။

( ၂ )

ချစ်သူ၏ ပညတ်တော်မှာ ...

` မောင်ရယ် ’ ......... တဲ့
` စာ ကျက်ချိန် နဲ့ ထမင်းစားချိန်က လွဲရင် ´........ တဲ့
` ခတ္တာ ကိုပဲ သတိရနေ ရမယ်နော် ´......... တဲ့

သူမသိလို့ပါ ... တကယ်ဆို
စာကျက်ဖို့၊ စာအုပ်ဖွင့်လိုက်ရင်
ပထမဆုံး မြင်နေမိတာ .... ချစ်သူ့ မျက်နှာ
မျက်လုံးရဲ့ အရွေ့
စာလုံးလေးတွေတိုင်းဟာ .... ချစ်သူ့ မျက်နှာ
ရေဆာလို့ ခတ်ယူစဉ်
ရေကြည်ကြည်မှာ ပေါ်လာတာ .... ချစ်သူ့မျက်နှာ
မနက်လင်း   မျက်လုံးအဖွင့်
အရင်ဆုံး တွေ့တာ .... ချစ်သူ့မျက်နှာ
ညတိုင်း
ခေါင်းအုံးပေါ်  ဦးခေါင်းရောက်ရင်ပဲ
အတွေးထည်းဝင်နေကြ ဘာဝနာ .... ချစ်သူ့မျက်နှာ
အချိန်တိုင်း ..
နေရာတိုင်း ..
ရင်ခုန်လိုက်တိုင်းမှာ ..

ချစ်သူ့မျက်နှာ  ချစ်သူ့မျက်နှာ  ချစ်သူ့မျက်နှာ
    ချစ်သူ့မျက်နှာ   ချစ်သူ့မျက်နှာ   ချစ်သူ့မျက်နှာ
ချစ်သူ့မျက်နှာ
     ချစ်သူ့မျက်နှာ
              ချစ်သူ့မျက်နှာ
                      ချစ်သူ့ မျက်နှာ
                                ချစ်သူ့မျက်နှာ .......................
စက္ကန့်စိပ်ကလေးတွေ
တချက်ရွေ့လိုက်တိုင်း
ရင်ထည်း ဝင်လာတာ  ချစ်သူ့မျက်နှာ
တနေကုန်တဲ့အခါ
ကျနော့်တကိုယ်လုံး  ချစ်သူ့မျက်နှာများနဲ့ပြည့်ပြီး
ကျနော်ဟာ ချစ်သူ
ချစ်သူဟာ ကျနော်
ကျနော်နဲ့ခတ္တာ တထပ်ထည်း
ကျနော့်ခြေတဖဝါးက ခတ္တာတဖဝါး
ကျနော်အသက်တချက်ရှူလိုက်တိုင်း
                                ခတ္တာပင့်သက်တရှိုက်
အို..ကျနော့်အသက်ဓာတ်ဆိုတာ ခတ္တာပါ
ဟုတ်တယ်မို့လား..
                 ဒီလိုပုံရိပ်တွေနဲ့
ကျနော်ဟာ ` အချစ်ရူးလေး ´ပါ။

( ၃ )

ချစ်သူ၏ တာဝန်ဝတ္တရားအားဖြင့် ...

တနေ့လျှင် လက်ကိုင်ပုဝါ ၂ ထည်ယူဆောင်ရပါမယ်
ဘူးသီးကြော်ဆိုင်လေးထိုင်ပါတယ်
အကြော်ယူတဲ့ သူ့လက်ကလေးတွေ သိပ်လှတယ်
ကျနော် ရင်တွေခုန်ပါတယ်
ဆီပေနေတဲ့သူ့ လက်ချောင်းလေးတွေ
တချောင်းခြင်း လက်ကိုင်ပုဝါနဲ့သုတ်ပေးမယ်။

မိဂဒါဝုန်မှာ မနက်စာ
ထမင်းစား
လှုပ်ရွေ့နေတဲ့ သူနှုတ်ခမ်းလေးတွေ သိပ်လှတယ်
ကျနော် ရင်တွေခုန်ပါတယ်
ဟင်းစလေးတွေ ငြိနေတယ်
လက်ကိုင်ပုဝါလေးထုတ်ယူတယ်
နှုတ်ခမ်းလေးကို ဖွဖွလေး သုတ်ပေးမယ်။

ကျောင်းဆင်း ညနေ
ရေနီမြောင်းတလျောက်သွားကြမယ်
ကြည်စယ်
စိတ်ကောက်
ပြန်ချော့
ရယ်ကြ
ပုံပြော
မျက်ရည်
ဝမ်းနည်း
ပျော်ရွှင်
ချစ်သူတွေရဲ့ ညနေလေ...
အဲဒီလိုဖြတ်သန်း
မြောင်းဘောင်တလျောက်
သူပြေးဆော့
ချွေးစို့စို့လေးတွေကို
လက်ကိုင်ပုဝါလေး သုတ်ပေးမယ်
လက်ကိုင်ပုဝါလေးမှာ ချစ်သူရနံ့တွေပါနေတယ်
ကျနော်အလွတ်ရနေတဲ့ သူ့ရနံ့သင်းသင်းလေး
သူ့ရနံ့လေးနဲ့လက်ကိုင်ပုဝါ ... စုထုတ်ခေါက်ပြီး
ကျနော့်လက်ဝဲဘက် အိတ်ထောင်ထည်း
ထည့်ထားတယ်
ချစ်သူ့ရနံ့တွေ နှလုံးအိမ်ထည်းစိမ့်ဝင်သွား
ကျနော် ရင်တွေခုန်ပါတယ်

ကျနော်
အချစ်တာဝန် ကျေပြွန်သူ           ရမှတ်  ၁၀၀
အချစ်စည်းမျဉ်း လိုက်နာသူ        ရမှတ်  ၁၀၀
အချစ်မိန့်သမျှ နာခံသူ                ရမှတ်  ၁၀၀
အချစ်ရပ်ဝန်းမှာဘာသာစုံဂုဏ်ထူးဖြင့် ကျနော်က ပထမ
ဟုတ်တယ်မို့လား ..
                ဒီလိုပြည့်စုံမှုတွေနဲ့လေ
ကျနော်ဟာ ` အချစ်ရူးလေး ´ ။

( ၄ )

ကံကြမ္မာဆိုတာ မိစ္ဆာတကောင်ပါ။

စာမေးပွဲကြီး ဖြေပြီးပြီ
သူပြန်တော့မယ့် ကားဂိတ်

` မောင် လိုက် မခဲ့ရဘူးနော် ´

ရက်စက်တဲ့စကားကို ချစ်တဲ့သူတွေဆိုတတ်ပါလား
ဆိုတာ
ခု သိရပြီပေါ့။
ကျနော်တို့လက်ထပ်ကြမယ် အကြိမ်ကြိမ်ပြောလည်း
သူ လက်မခံခဲ့၊
ခနခန အထပ်ထပ် ကြားပြီးသား
သူ့ယုံကြည်ချက်တွေသာ...
နယ်စပ်ဒေသမှာ ကလေးတွေ
ချို့တည့်တယ်ဆိုတာ ... သိပါတယ်
ပညာမသင်ကြားနိုင်ဘူးဆိုတာ ...သိပါတယ်
သူတို့ဘဝမြှင့်တင်မယ်ဆိုတာ ... သိပါတယ်
၅ နှစ်လောက်ဆရာမလေးဘဝနဲ့
        ကလေးတွေစာတတ်စေမယ်ဆိုတာ ... သိပါတယ်
ဟုတ်ပါတယ် .. မောင့်ကိုထည့် မစဉ်းစားပါနဲ့
ဟုတ်ပါတယ် .. မင်းပဲ မြင့်မြတ်ပါတယ်
ကရုဏာရှင်မလေးရေ .. မင်းစေတနာ ဗရပွနဲ့
                                        တို့ကိုထားခဲ့တော့မှာလား။
ကျနော့်ပုခုံးထက်မှာ တသိမ့်သိမ့်နဲ့ သူငိုတယ်၊
သူ့ကိုယ်သင်းနံ့လေးက နှလုံးအိမ်မှာရစ်ဝဲလို့၊

` ပြန်တော့ မောင် ရယ် ´ တဲ့။

ကားပေါ်တက်
ကားတံခါးမှ လက်ပြနှုတ်ဆက်ပြီး
သူငိုသွားမယ်ဆိုတာ  ကျနော်သိနေတယ်
ဝှေ့ရမ်းနှုတ်ဆက်နေတဲ့သူ့အရိပ်ကလေး
ဒါ ... နောက်ဆုံးနှုတ်ဆက်ခြင်းဆိုတာ ကျနော်မသိခဲ့မိပါ၊
ဟုတ်တယ်မို့လား ...
       သောကတွေ ပင်လယ်ပြင်ကြီးနဲ့
ကျနော်ဟာ ` အချစ်ရူး တယောက် ´။

( ၅ )

အကြိမ်ကြိမ် အထပ်ထပ် ရှာဖွေခဲ့ပါတယ်
သူတို့သားအဖ ပြောင်းသွားကြပြီ .. ဆိုတဲ့စကားသာ
ကြားခဲ့၊
ဒီလိုပဲထားခဲ့တော့မှာလား .... ခတ္တာရေ။

တနေ့
သူငယ်ချင်း ညွန့်တင် သတင်းပေးလို့
တောင်တန်းကြီးတွေ အထပ်ထပ်ကျော်
နယ်စပ်ရွာကလေးတရွာ
ဆရာမလေး လုပ်နေသတဲ့၊
ချက်ခြင်း ကျနော်လိုက်သွားခဲ့
         
ခတ္တာရေ .... မောင်လာပြီ
ခတ္တာရေ .... ကြိုနေမှာလား
ခတ္တာရေ .... မင်းရုပ်ရေ ဘယ်လိုများ ပြောင်းသွားလဲ
ကျောင်းပြီး ၄ နှစ်ကြာထိ ဘာကြောင့်
                      မဆက်သွယ်လဲ .... ကျနော်မေးမယ်
အလုပ်တွေ မပင်မပန်း လုပ်နေရတာ
                      အဆင်ပြေရဲ့လား .... ကျနော်မေးမယ်
မောင့်ကိုသတိရပြီး နေ့တိုင်း နေ့တိုင်း
                      ငိုနေတာလား .... ကျနော်မေးမယ်
-------------------
တောင်ကုန်းထက်က
အင်ဖက်မိုး အိမ်ကလေး
အသက် ၆၀ ကျော် အဖိုးအိုတယောက်
အိမ်ရှေ့ ဝါးကပ်ကြမ်းမှာထိုင်နေ
ခတ္တာရဲ့ဖေဖေ
ကျနော့်ကိုမြင်တော့ ရီဝေတဲ့အကြည့်နဲ့

` လူလေး .. ခတ္တာကိုလာတွေ့တာလား ´
           ` ဟုတ်ကဲ့ ဦးလေး .. ခတ္တာ ခတ္တာရော ´

အမောတကောမေးမိ

` လာ  လူလေး´

လေးလံတုန်ချိနေတဲ့ သူ့ခြေလှမ်းတွေနောက်လိုက်ခဲ့၊
တောင်ကမူလေးထက်
မြေမို့မို့လေးတခု
ရှေ့မှတိုင်ပေါ် ချိပ်ဆွဲထားတဲ့ ပျဉ်ချပ်လေးတခု
မသတ်မရပ် လက်ရေးနဲ့ စာတမ်းလေးတခု

*ဆရာမလေး ခတ္တာ
  အသက် ( ၂၄ ) နှစ်*

ကျနော့်ကမ္ဘာတလုံး လုံး ပြုတ်ကျသွား

ခ ..
  ခတ် ..
        ခတ္တ ..
              ခတ္တာ ............
 `` ခတ္တာ ရေ .................................................´´
ခတ္တာခတ္တာခတ္တာခတ္တာခတ္တာခတ္တာခတ္တာခတ္တာခတ္တာခတ္တ

ပြိုကျသွားသောကမ္ဘာကြီး

ခတ္တာ
သေလျှက် ရှင်နေဦးမှာ
ကျနော်
ရှင်လျှက် သေကျန်ရစ်ပါတော့မယ်
------------
မအေးချမ်းတဲ့နယ်စပ်ဒေသ
သောင်းကျမ်းသူ ပစ်လိုက်တဲ့ ကျည်ဆံတတောင့်ဟာ
အပြစ်ကင်းပြီး
ဖြူစင်စွာပညာသင်ပေးနေတဲ့ ဆရာမလေးတဦးရဲ့
နှလုံးသားကိုမှ
ထိုးဖောက်သွားရသလား   ဗျာ
ဟုတ်ပါတယ် ...
       အမှောင်အတည့်  ကမ္ဘာကြီးတလုံးစာအလွမ်းတွေနဲ့ ကျနော်ဟာ ` အချစ်ရူးကြီး ´။

အပိုင်း ( င )

{ နိဂုံး }

အချိန်လင့်သွားပြီ
သူငယ်ချင်းများလည်း စောင့်နေတော့မည်
ဆရာကန်တော့ ခန်းမသို့
နှစ် ၃၀ စာအလွမ်းတို့ ရပ်တန့်

{ နိဂုံး ရဲ့ နိဂုံး }

ခန်းမရောက်တော့
သူငယ်ချင်းများနှုတ်ဆက်ချိန်မရ  စ ကန်တော့နေပြီ
အခန်းတခုလုံးရှာနေမိ
ဪ မဖြစ်နိုင် မလာနိုင်တော့မှန်းသိနေသော်လည်း
မသိစိတ်က ရှာဖွေနေမိ
ရှာမိပါတယ် .... ခတ္တာရယ်

` အားလုံးကန်တော့ရအောင် ခင်ဗျား ..... တကြိမ် ´

နောက်ဆုံးနေရာလေးမှ
ဦးချမိ ..... တကြိမ်

ရနံ့
ကျနော် ရင်းနှီးတဲ့  ရနံ့
ခတ္တာရဲ့ ကိုယ်သင်းနံ့လေး
ဘယ်ကရနေသလဲ
သူရောက်နေလား
ဦးချရာမှ ခေါင်းမော့ရှာဖွေမိ
ရနံ့လေးက ကျနော့်ဘေးမှ
ခတ္တာ
ဆရာကန်တော့နေတဲ့ ပုံလွှာ
အရိပ်ဖြူဖြူလေး ...............။          ။

                     
                       ကြီး မြတ် သူ