စစ်ကိုင်းတိုင်းဒေသကြီး တိုင်းဒေသကြီးလွှတ်တော်အိမ်ရာ အနီးတွင် (၁၆-၂-၂၀၁၃)ရက်က လွှတ်တော်အိမ်ရာစီမံကိန်းအတွက် မြေယာများသိမ်းဆည်းမှုကိုမကျေ နပ်၍ ဆန္ဒထုတ်ဖော်ကြသူများထဲ မှ (၃)ဦးကို မုံရွာမြို့နယ်အုပ်ချုပ် ရေးမှူးက တရားလိုပြုလုပ်ကာ မုံရွာမြို့ အမှတ်(၁)ရဲစခန်းသို့ ၀တ္တရားနှောက်ယှက်မှုဖြင့် လာ ရောက်ပြီး အမှုဖွင့်ဆောင်ရွက် ထားပြီး မုံရွာအမှတ်(၁)ရဲစခန်းက (ပ)၁၄၀/၂၀၁၃ ပုဒ်မ (၃၅၃) မှုဖြင့် အမှုဖွင့်ဆောင်ရွက် ကြောင်းမုံရွာမြို့နယ် ရဲတပ်ဖွဲ့ မှူးရုံးမှ တာဝန်ရှိသူတစ်ဦးထံမှ သိရပါသည်။“ကျွန်တော်လည်း အခုလို မျိုးအမှုဖွင့်ဆောင်ရွက်တာတွေ မလုပ်ချင်လို့ သူတို့စပြီး ဆန္ဒ ထုတ်ဖော်တဲ့ (၁၄-၂-၂၀၁၃)ရက် ကတည်းက တာဝန်အရဆောင် ရွက်နေတဲ့သူတွေကို မနှောင့် ယှက်ပါနဲ့ နှောင့်ယှက်ရင် ၀တ္တ ရားနှောင့်ယှက်မှုနဲ့ ဥပဒေ အတိုင်း အရေးယူဆောင်ရွက်ရ ပါလိမ့်မယ်ဆိုပြီး ပြောခဲ့ပါတယ်။ ဒါပေမဲ့ (၁၆-၂-၂၀၁၃)ရက်မှာ လွှတ်တော်စီမံကိန်းအတွက် အုတ်တံတိုင်းခတ်ဖို့ တူးထားတဲ့ အုတ်မြစ်မြေကျင်းတွေကို ပြန်ပြီး မြေဖို့တယ်။ သူတို့အဲဒီလိုလုပ် ဆောင်နေတဲ့ပုံတွေကို ကျွန်တော် ဗီဒီယိုရော၊ ဓာတ်ပုံပါ ရိုက်ထား တယ်။ သက်သေနဲ့တကွတင်ပြီး အမှုဖွင့်ထားတယ်။ တကယ် တန်းပြောရရင် အခုနေရာကို (၂၀၀၉)ခုနှစ်ကတည်းက ပြည်ထဲ ရေးဝန်ကြီးဌာနရဲ့ အမိန့်နဲ့သိမ်း ထားပြီးဖြစ်တယ်။ အခုအမှုဖွင့် ထားတာက (၃)ဦးပါ။ မသင်း သင်းလှိုင်၊ မဥမ္မာကြည်နဲ့ မခိုင်တို့ ဖြစ်ပါတယ်”လို့ မုံရွာမြို့နယ်အုပ် ချုပ်ရေးမှူးက ပြောပါသည်။ “ကျွန်မတို့မြေယာတွေကို (၂၀၀၉)ခုနှစ်ကတည်းက သိမ်း တယ်လို့ မြို့နယ်အုပ်ချုပ်ရေးမှူး က ပြောလို့သာ အခုမှသိရတယ်။ အဲဒီ (၂၀၀၉)ခုနှစ်သိမ်းတယ်ဆို တာကို ဘယ်သူကမှလည်း လာ မပြောပါဘူး။ ကျွန်မတို့ မိသားစု တွေ ဘယ်သူမှမသိပါဘူး။ နေရာ အစားပေးတယ်ဆိုတာကလည်း လက်ရှိမှာ စိုက်ပျိုးရေးလုပ်ငန်း တွေလုပ်ကိုင်နေတဲ့ တောင်သူ တွေရဲ့ မြေယာတွေပေါ်မှာပေး တာ။ ဟိုဘက်တောင်သူတွေက လည်း ကျွန်မတို့ဝင်နေမယ်ဆိုရင် လုံးဝလက်မခံဘူး။ တောင်သူနဲ့ ကျွန်မတို့ရန်တိုက်ပေးနေသလို ဖြစ်နေတယ်။ ပြောင်းရွှေ့ထားတဲ့ သူတွေကို အိမ်တွေပြန်ဆောက်ဖို့ အတွက် သစ်တွေပေးတယ်။ ရေ တွင်းတွေတူးပေးတယ်ဆိုတာလည်း လုံးဝမဟုတ်ပါဘူး။ အဲဒါကြောင့် ကျွန်မတို့မြေကို ကျွန်မတို့ အသက်ပေးပြီးကာကွယ်သွားမယ်။ ဖမ်းချင်လည်း ဖမ်းပါစေ။ သတ် ချင်ရင်လည်း သတ်ပါစေတော့” ဟု အဆိုပါဆန်္ဒဖော်ထုတ်မှုတွင် ပါဝင်သောအမျိုးသမီးကြီးတစ်ဦးက ပြောသည်။ (၁၈-၂-၂၀၁၃)ရက် နံနက်ပိုင်းက သက်ဆိုင်ရာက တာဝန်ရှိသူတွေနဲ့ မြေယာအ သိမ်းဆည်းခံတောင်သူတွေ အိမ် ၀င်းရှင်တွေနဲ့ စေ့စပ်ညှိနှိုင်းမှုများ ပြုလုပ်ခဲ့ကြပါတယ်။ တောင်သူ များအိမ်ဝင်းပိုင်ရှင်များဘက်မှလည်း နစ်နာကြေးအဖြစ် မြေ(၁)ဧက လျှင် (၈၀)ပတ်လည်မြေကွက် (၁)ကွက်နဲ့ ကျပ်သိန်းတစ်ထောင် ပေးရန်တောင်းဆိုခဲ့ကြကြောင်း သိရသည်။
စိုးမိုးထွန်း(မုံရွာ)
