မန္တလေး ကျောက်မျက်ရတနာ ဈေးအား အခြားသောဒေသတစ်ခုသို့ အတင်းအဓမ္မ ပြောင်းရွှေစေခိုင်းခဲ့သည့် ရှိသော် တည်ဆဲ အစိုးရအနေဖြင့် ကြီးမားသော ဒီမိုကရေစီ စိန်ခေါ်ပွဲကြီး တစ်ခုနှင့် မလွဲမသွေ ရင်ဆိုင်ရလိမ့် မည်ဟု ကျောက် သမား အများစုအရေး ဖော်ဆောင်နေသူများအဖွဲ့မှ ကုန်သည် ဦးသန်းဌေးက မြန်မာ အင်ဒီပဲန်ဒင့် မှတစ်ဆင့် ရဲရဲတောက် စကား ပြောကြားလိုက်သည်။
“လူ ၃ သိန်းကျော်ရဲ့ သွေးချွေး ဘဝနဲ့ရင်းနှီး တည်ဆောက်ခဲ့တဲ့ ဈေးကို ခရိုနီတစ်စု ကောင်းစားရေး အတွက် ပြောင်းရွှေ့ပေးရမယ်ဆိုရင် ကောင်းမွန် သော အုပ်ချုပ်ရေးနှင့် သန့်ရှင်းသော အစိုးရရဲ့ လူမှုစီးပွားဘဝ ဖူလုံရေး ဆိုတဲ့ နိုင်ငံတော် ဦးတည်ချက်အရ (Democracy Challenge) ဒီမိုကရေစီ စိန်ခေါ်ပွဲကြီးတစ်ခု အမှန်တကယ် ပေါ်ပေါက် လာလိမ့်မယ်” ဟု ယင်းကပြော သည်။
ယင်းတို့ ကျောက်သမား အများစုအနေနှင့် တိုင်းဒေသကြီးအစိုးရ၏ တိကျရေရာသော အဖြေစကားကိုသာ သိရှိလို ကြပြီး ပြောင်းရွှေ့ စီမံကိန်း ဆောင်ရွက်နေသူ များ၏ ပြောင်းရွှေ့ရေး မပြောင်းရွှေ့ရေးနှင့် ပတ်သက်၍ အလိုရှိသလို လုပ်ဆောင်နိုင်သည် ဟူသော စကားရပ်ကိုလည်း လက်သင့်ခံလိမ့်မည် မဟုတ်ကြောင်း ယင်းက ဆိုပြန်သည်။
ဆက်လက်၍လည်း နှစ်ပေါင်း များစွာတိုင်အောင် အေးချမ်းသာယာစွာ လုပ်ကိုင် စားသောက်နေလာ ကြသည့် ကျောက် မျက်ဈေးအား ပြောင်းရွှေ့ စီမံကိန်း ဆောင်ရွက်နေသူများဖက်က အပြည်ပြည်ဆိုင်ရာ အဆင့်မြင့် ကျောက်မျက်ဈေး ခေါင်း စဉ်တပ်ကာ မန္တလေးတိုင်းဒေသကြီး အစိုးရ အဖွဲ့နှင့်အကျိုးတူ ပူးပေါင်းလုပ်ဆောင် နေသည် ကိုလည်း ပုဂ္ဂိုလ်ရေး အရ ပြောဆိုလိုခြင်း မရှိပါကြောင်း၊ သို့သော် လက်ရှိအခြေအနေအရ ကုန်သည် ပွဲစား ကျောက်သွေးသမား များသာမကဘဲ နိစ္စဓူဝ လုပ်ကိုင်စားသောက် နေကြရသူများအနေဖြင့် ဈေးပြောင်း ရွှေ့ရေး စီမံကိန်းဆိုသော အသံကိုကြားရုံမျှနှင့် ပင် နေ့စဉ်နှင့်အမျှ ခြောက်ခြား တုန်လှုပ်မှုမျိုး ခံစားနေကြ ရကြောင်း ပြောပါသည်။
မန္တလေးမြို့၏ အဓိကစီးပွား ရေး ပုံရိပ်ကြီး၃ ခုဖြစ်သည့် ပဲကုန် စည်ဒိုင်၊ ဈေးချိုတော်နှင့် မဟာအောင် မြေ ကျောက်မျက် ရတနာဈေး (ကျောက်ဝိုင်း)တို့သည့် မန္တလေးဒေသခံများ အတွက် သာမကဘဲ အထက်မြန်မာ ပြည်တစ်ဝှမ်းလုံးအတွက် ကုန်စည်စီးဆင်းရာ အထင်ကရ နေရာကြီးများ ဖြစ်ပြီး ပြောင်းရွှေ့ရေး မပြောင်းရွှေ့ ရေးအတွက် အငြင်းပွားလျက်ရှိသည့် မဟာကျောက်မျက်ရတနာဈေးကြီး သည်လည်း ပြည်တွင်းပြည်ပရတနာ ကုန်သည်များ၏ ရှေးနှစ်ပေါင်း များစွာ ကတည်း က ကူးသန်းရောင်းဝယ် ဖောက်ကားခဲ့ကြသည့် နိုင်ငံ့အကျိုးပြု ပြည်တွင်း ကျောက်ဈေးကွက်ကြီး တစ်ခုဖြစ်ကြောင်း ဆိုသည်။
မန္တလေးမြို့ ကျောက်မျက်ရတနာ ဈေးအတွင်း ရောင်းဝယ်နေကြစဉ်
ပြီးခဲ့သည့်နှစ်ကုန်ပိုင်းကစတင်ပြီး ကျောက်ဝိုင်း ပြောင်းရွှေ့ရေးဆိုသည့် သတင်းများ ထွက်ပေါ်လာသည်တွင် အဆိုပါ ကျောက်ဝိုင်း အပေါ်မှီခို လုပ် ကိုင်နေကြရသူများ သာမကတော့ဘဲ ပြည်တွင်းပွဲစားရတနာကုန်သည်များ ပါမကျန် ဘဝရပ်တည်ရေးအတွက် ရတက်မအေးဖြစ်ခဲ့ရသည်ဟု ဒေသခံ များက ဆိုသည်။
“မဟာအောင်မြေကျောက် ဝိုင်း ပြောင်းရွှေ့ရမှာကို ကျွန်တော်တို့ အနေနဲ့အင်မတန် စိုးရိမ်ပူပန်နေပါ တယ်။ သက်ဆိုင်ရာ အစိုးရဝန်ကြီး အဖွဲ့အနေနဲ့ ပွင့်လင်းမြင်သာ သတင်းထုတ်ပြန်ပေးစေချင်ပါတယ်” ဟု ဒေသခံ ပွဲစားတစ်ဦးက လည်းကောင်း “ကျောက်သမားတွေအနေနဲ့က ကျောက် ဝိုင်းကြီး ပြောင်းရွှေ့ရမှာလား၊ မပြောင်း ရွှေ့ရမှာလား ပူပန်သောကတွေ ဖြစ် နေကြရပါတယ်။ ဒါနဲ့ပတ်သက်ပြီး ရှင်းရှင်းလင်းလင်းတိတိ ကျကျပြော ကြားပေးစေချင်ပါတယ်” ဟူသော နယ်လှည့် ကျောက်ကုန်သည် တစ်ဦး၏ ပြောပြချက်အရ လည်းကောင်း ကျောက်သမားများဆီမှ စိုးရိမ် ကြောင့်ကြသံများ ထွက်ပေါ်လျက်ရှိ ရာ ယခုအခါတွင် မပြောင်းရွှေ့လိုသူ ကျောက်သမား အများစုတို့က နီးစပ် ရာ အချင်းချင်းစုပေါင်း၍ ကျောက်ဝိုင်း တည်မြဲရေးယာယီ ကော်မတီကြီး တစ်ခု ထွက်ပေါ်လာသည် အထိ ပြောင်းရွှေ့ရေး စီမံကိန်းအား ဆန့်ကျင်ရန် စည်းလုံး ညီညွတ်မှု အပြည့်ဖြင့် အသင့် အနေအထား ရှိပြီးဖြစ်ကြောင်း သိရသည်။
ယင်းတို့အနေဖြင့် လက်ရှိနေရာမှ ပြောင်းရွှေ့ရပါက မိမိတို့ဘဝ အဆင် ပြေချောမွေ့စွာ ရပ်တည်ရှင်သန်နိုင်ရေး ခက်ခဲ မည်ဖြစ်ပြီး ကျောက်ဝိုင်းအနီး ဝန်းကျင်ရှိ သံဃာတော်များ သီတင်းသုံးတော်မူရာ ကျောင်းတိုက်ကြီးငယ်မှ စာသင်စာချ သံဃာတော်များအတွက် လည်း အတိုင်းအတာတစ်ခုအထိ အခက်အခဲ များ ဖြစ်ပေါ်နိုင်သည်ဟု သံဃာတော်များ အရေး အတွက်ပါ စိတ်မအေးစွာပြောကြသည်။
“ကျောက်ဝိုင်း ပတ်ချာလည်မှာ စာသင်တိုက်ပေါင်း ၁ဝ ခုလောက်ရှိ တယ်။ ကျောက်ဝိုင်း မိသားစု အနေနဲ့က စာသင်သား သံဃာတော်တွေ အတွက် နှစ်စဉ် လှူဒါန်းကြတာ သိန်း ပေါင်းထောင်ချီရှိတယ်။ အထူး သဖြင့်တော့ ကျွန်တော်တို့ ကျောက် ဝိုင်းထဲမှာကို စာသင်သားသံဃာတော် တွေဝယ်ဖို့မတတ်နိုင်တဲ့ ဘာသာရေး ဆိုင်ရာ စာအုပ်တွေ၊ ပိဋကတ်တော် တွေကို ရတနာလူငယ်မြတ်ဗုဒ္ဓ ဒေသနာတော် ပြန့်ပွားရေးအဖွဲ့ဆိုတဲ့ အသင်းကနေ စာအုပ်တွေ ငှားပေးနေတယ်။ စာသင်သား ကိုယ်တော်လေး တွေအတွက်ကိုလည်း စိတ်မကောင်း ဖြစ်ရပါတယ်” ဟု အဆိုပါ အသင်း ဥက္ကဋ္ဌက ဖြည့်စွက်ပြောသည်။
“တစ်ဖက်အဖွဲ့အစည်းကို အခွင့်အရေးပေးသလို ကျွန်တော်တို့ ဖက်ကိုလည်း အခွင့်အရေးပေးမယ် ဆိုရင် အဆင့်မြှင့် တည်ဆောက်ဖို့ ဆန္ဒရှိပါတယ်။ တိုင်းဒေသကြီး အစိုးရရဲ့ အကူအညီကိုမယူပါဘူး ကိုယ့်ပိုက်ဆံနဲ့ ကိုယ်ဆောက်မှာပါ” ဟု ယင်းက ပြောသည်။
မန္တလေးမြို့တော်စည်ပင်သာယာ နယ်နိမိတ်အတွင်းရှိ မဟာအောင်မြေ ကျောက်မျက် ရတနာဈေးကြီးသည် လွန်ခဲ့သော နှစ်ပေါင်း များစွာက အလှူ့ဒါယကာ ဦးဘ ဆိုသူက မန္တလေးမြို့သူမြို့သားများ နာရေးကိစ္စ အဆင်ပြေစေရန် အလို့ငှာ ရဟိုင်းသုဿန်ကြီး အဖြစ် မဟာမြတ်မုနိဘုရားကြီး ဂေါပကအဖွဲ့ထံ လှူဒါန်း ခဲ့သည့် မြေ နေရာဖြစ်သည်။
ခရစ်သက္ကရာဇ် ၂ဝဝဝ ခုနှစ်တွင် မန္တလေးမြို့တော်စည်ပင်သာယာရေး ကော်မတီက မဟာမြတ်မုနိဘုရားကြီး ကျောင်း တိုက် ရေတော်ဆရာတော် ထံ မဟာအောင်မြေ ရတနာဈေးဖော် ဆောင်ရေးအတွက် ခွင့်ပြုချက်တောင်း ယူကာ တည်ဆောက်ခဲ့ပြီး ဈေးစတင် ဖွင့်လှစ်ခဲ့စဉ်က လူဦးရေ တစ်သောင်း ဝန်းကျင်ဖြင့် ရောင်းဝယ် ဖောက်ကား ခဲ့ကြသည်။
